Viral Video |  बिग बॉसमधून परतणाऱ्या लाडक्या लेकीला घट्ट मिठी मारून आर्याची आई रडू लागली ; “तुम्ही मला साथ दिलीत…”

Viral Video |  बिग बॉसमधून परतणाऱ्या लाडक्या लेकीला घट्ट मिठी मारून आर्याची आई रडू लागली ; “तुम्ही मला साथ दिलीत…”

Marathi Entertainment News : बिग बॉस मराठी सीजन 5 मधून निष्कासित करण्यात आलेली स्पर्धक आणि रॅपर आर्या जाधव तिच्या अमरावतीमधील घरी परत आली.

तिच्या गावात तिचं जंगी स्वागत करण्यात आलं. तिच्या स्वागतासाठी संपूर्ण गाव जमा झाला होता. सोशल मीडियावर हा व्हिडीओ चांगलाच व्हायरल झाला आहे.

बिग बॉस मराठीच्या घरातुन बाहेर पडल्यावर तीन दिवसांनी आर्या तिच्या गावी अमरावतीला परतली. आर्या गावी परत येताच तिच्या आईने तिला मिठी मारली.

एकमेकींच्या मिठीत मायलेकी ढसाढसा रडल्या. सोशल मीडियावर हा व्हिडीओ चांगलाच गाजतोय. त्यानंतर आर्याने माध्यमांशी संवाद साधत सगळ्या चाहत्यांचे आभार मानले.

“मला खूप छान वाटतंय. अमरावती माझं घर आहे. अमरावतीचे लोक माझे लोक आहेत. मला माहित नव्हतं मी इथे आल्यावर माझं असं स्वागत होईल. मला वाटलं होतं तुम्ही याला पण इतकं मोठं असेल असं वाटलं नव्हतं.

थैंक्यू तुम्ही सगळ्यांनी माझं स्वागत केलंत. सगळ्या अमरावतीकरांचे आभार कि त्यांनी माझ्यासाठी ही खास तयारी केली.” असं तिने माध्यमांना दिलेल्या मुलाखतीमध्ये म्हटलं.

कॅप्टन्सी टास्कवेळी झालेल्या हाणामारीमध्ये आर्याने निक्कीच्या कानाखाली मारली होती. त्यामुळे तिला बिग बॉसच्या घरातून काढून टाकलं.

पण यामुळे प्रेक्षक खूप नाराज आहेत. अनेकांनी बिग बॉस मेकर्स आणि रितेश देशमुखवर टीका केली आहे.

व्हायरल व्हिडिओ पहा

View this post on Instagram

A post shared by Sakal Premier (@sakalpremier)