Blog Video viral...

Video viral | वैभव आणि इरिना थेट पोहोचले सूरजच्या घरी व्हिडीओ शेअर करत अभिनेत्री बोलले झापुक झुपूक…!

By Datta K

Published on:

Video viral | वैभव आणि इरिना थेट पोहोचले सूरजच्या घरी व्हिडीओ शेअर करत अभिनेत्री बोलले झापुक झुपूक…!

 

सूरज चव्हाण ‘बिग बॉस मराठी ५’चा विजेता झाला आहे. या यशाबद्दल त्याचे मोठे कौतुक होताना दिसत आहे. ‘बिग बॉस मराठी ५’नंतर सूरज आपल्या गावी परतला आहे. आता इरिना आणि वैभव सूरजच्या घरी गेले आहेत.

 

‘जाहीर सभा’ या यूट्यूब चॅनेलने इरिना आणि वैभव सूरजच्या घरी गेल्याचा व्हिडीओ शेअर केला आहे. या व्हिडीओमध्ये इरिनाने सूरजचे कौतुक केले आहे. तिने म्हटले, “सूरज साफ हृदयाचा आहे, छान माणूस आहे, त्यामुळे त्याने ट्रॉफी जिंकली याचा आनंद आहे, मी खूप खूश आहे.”

 

वैभवने ग्रँड फिनालेच्यावेळी सूरजच्या घरच्यांची राहण्याची सोय केली होती. त्यावर सूरजने, “त्याने मला पाठिंबा दिला, तो चांगला आहे”, असे म्हटले. यावर बोलताना वैभवने म्हटले, “असं काही नाहीये, हे सगळे माझ्या घरचे आहेत, कोणाला दाखवण्यासाठी काही केलं नाहीये; मी माझ्या घरच्यांची सोय केली राहण्यासाठी एवढंच होतं. या गोष्टीला जास्त वाव देऊ नका”, असे वैभवने म्हटले.

 

सूरज चव्हाणने यावेळी म्हटले, “वैभव मला म्हटलेला, बारामतीत बिग बॉसची ट्रॉफी आली पाहिजे; मी आणली. याच व्हिडीओमध्ये पाहायला मिळते की, सूरजच्या घरच्यांनी इरिना आणि वैभवचे औक्षण करून स्वागत केले आहे.

 

इरिनाने शेअर केला व्हिडीओ

 

याबरोबरच इरिनानेदेखील सोशल मीडियावर एक व्हिडीओ शेअर केला आहे. यामध्ये सूरज, वैभव आणि इरिना दिसत आहेत आणि ते एकमेकांबरोबर गुलीगत, झापुक झुपूक हा सूरजचा प्रसिद्ध डायलॉग म्हणताना दिसत आहेत. हा व्हिडीओ शेअर करताना तिने “सूरज, अभिनंदन पुन्हा एकदा”, अशी कॅप्शन दिली आहे.

 

पहा व्हिडिओ:

https://www.instagram.com/reel/DA5huYVK4xv/?igsh=MWV6aDJ1cHdsYXEzMw==

Datta K

Related Post

Leave a Comment

Close Visit agrinews