Airtel and Jio|एअरटेलच्या युजर्ससाठी खूप जास्त आनंदाची! जिओ पेक्षा स्वस्त प्लॅन घ्या, वर्षभर नो टेन्शन राहा
Airtel and Jio Yearly Value Plans: मोबाईल रिचार्जची तारीख संपत आली की टेन्शन वाढू लागतं. कारण, दरवेळेस स्वस्त प्लॅन शोधायचे कुठून आणि महागडा रिचार्ज मारायचा कसा, हे प्रश्न नेहमीचेच असतात.
याचसाठी आम्ही तुम्हाला आज एक चांगला प्लॅन आणि त्याविषयीची माहिती सांगणार आहोत. तुम्ही एअरटेल आणि जिओचे युजर असाल तर ही बातमी तुमच्यासाठी आहे. जिओच्या व्हॅल्यू प्लॅनच्या तुलनेत एअरटेलचा व्हॅल्यू प्लॅन एका नजरेत महाग वाटेल, पण एअरटेलचा प्लॅन जिओ पेक्षा चांगला कसा आहे, हे जाणून घ्या.
दूरसंचार क्षेत्रात अव्वल स्थानासाठी म्हणजे पहिल्या क्रमांकासाठी जिओ आणि एअरटेल या कंपन्यांमध्ये स्पर्धा आहे. अर्थातच दोन्ही दूरसंचार क्षेत्रातल्या दिग्गज कंपन्या आहेत. पण, दोन्ही कंपन्यांकडून अनेक प्रीपेड प्लॅन ऑफर केले जातात. आता तुम्हाला कमी किमतीत चांगले फायदे अपेक्षित असेल तर तुम्ही व्हॅल्यू प्लॅन निवडू शकतात.
विशेष म्हणजे किंमतीत कमी दिसत असूनही जिओचा व्हॅल्यू प्लॅन एअरटेलपेक्षा महाग आहे. आता तुम्ही म्हणाल म्हणजे काय? तर हेच गणित आम्ही तुम्हाला समजून सांगणार आहोत.
व्हॅल्यू प्लॅनमधून रिचार्ज करणं त्या युजर्सासाठी चांगलं असतं ज्यांना रोज डाटाची गरज नसते. तसेच या ग्राहकांना मोठ्या कालावधीसाठी कॉलिंग आणि एसएमएस सारख्या सुविधा पाहिजे असतात.
म्हणजे जर तुम्ही डाटा वापरासाठी वाय फाय सारखे पर्याय वापरत असाल तर या प्लॅनमधून रिचार्ज करणं तुमच्यासाठी फायद्याचं ठरू शकतं. जिओचा व्हॅल्यू प्लॅन 1,899 रुपयांचा आहे. तर एअरटेलचा व्हॅल्यू प्लॅन 1,999 रुपयांचा आहे. हे असूनही एअरटेलचा प्लॅन चांगले ऑफर देत आहे,
जिओचा 1,899 रुपयांचा प्लॅन
जिओच्या या प्लॅनमध्ये एकूण 24 जीबी डाटा मिळतो. या प्लॅनमध्ये अनलिमिटेड कॉलिंगसह एकूण 3600 एसएमएसचा पर्याय दिला जातो.
हा प्लॅन 336 दिवसांची वैधता देतो. त्यासोबतच जिओ टीव्ही, जिओ सिनेमा आणि जिओ क्लाऊड सारखे APPचे सबस्क्रिप्शन देखील या प्लॅनमध्ये तुम्हाला मिळतं.
एअरटेलचा 1,999 रुपयांचा प्लॅन
एअरटेलच्या अधिक वैधतेच्या या प्लॅनमध्ये एकूण 24 जीबी डेटा मिळतो. यासह सगळ्या नेटवर्कसाठी अनलिमिटेड कॉलिंगसह रोज 100 एसएमएस पाठवण्याची ऑफर आहे. हा प्लॅन 365 दिवसांच्या वैधतेसह येतो.
याचा रिचार्ज तुम्हाल केला की तुम्हाला Airtel Xtreme, फ्री हॅलोट्यून्स आणि Apollo 24/7 हे तीन महिन्याचं सब्स्क्रिप्शन दिलं जातं.
वैधतेचं अंतर पाहिलं तर जिओचा प्लॅन 336 दिवस आणि एअरटेलचा प्लॅन पूर्ण 365 दिवसांच्या वैधतेसह येतो. यावरुन तुम्ही दोन्ही प्लॅनची तुलना केली तर जिओ युजर्ससाठी एका दिवसाचा खर्च 5.65 रुपये आहे.
तर एअरटेल युजर्ससाठी एक दिवसाचा खर्च 5.47 रुपयांच्या जवळपास आहे. यातच तुम्हाला असं दिसून येईल की एअरटेलचा प्लॅन चांगली व्हॅल्यू देतो.
दोन्ही प्लॅनची तुलना तुम्ही पाहिली. आता तुम्हाला तुमच्या बजेटमध्ये जो प्लॅन योग्य वाटेल तो तुम्ही घेऊ शकतात. प्रत्येकाच्या गरजा वेगळ्या असतात त्यानुसार प्लॅन निवडता येतो.
