Viral video | भाऊ लई हसला यार मनापासून हसला…”, छोटा भाऊ पडताना पाहून मोठ्या भावाला झाला आनंद व्हिडिओ पाहून नेटकरी म्हणाले, “भाऊ असेच असतात…”
Viral Video: सोशल मीडियावर सतत विविध प्रकारचे व्हिडीओ आपल्याला पाहायला मिळतात; ज्यात कधी काही मजेशीर गोष्टी, तर कधी थरारक घटना पाहायला मिळतात.
त्यातील काही व्हिडीओ ठरवून शूट केले जातात, तर काही व्हिडीओ नकळत कॅमेऱ्यात कैद होतात; जे खूप चर्चेतही येतात आणि लाखो व्ह्युज व लाइक्स मिळवतात. सध्या असाच दोन भावंडांचा एक मजेशीर व्हिडीओ सोशल मीडियावर खूप चर्चेत आला आहे.
त्यात लहान भाऊ चालता चालता अचानक खाली पडतो, यावेळी भावाला पडलेलं पाहून मोठा भाऊ असं काहीतरी करतो, जे पाहून तुम्हीही कपाळावर हात मारून घ्याल.
भावंडांमधील प्रेम आणि भांडणं जगजाहीर असतात. भावंडं एकमेकांबरोबर क्षणात भांडतात आणि क्षणात पुन्हा एकत्र येतात. ही भावंडं घरात दिवसभर भांडली तरी रात्री एकाच ताटात बसून जेवतात.
त्याशिवाय स्वतः एकमेकांबरोबर खूप भांडतील; पण बाहेरची एखादी व्यक्ती आपल्या भाऊ किंवा बहिणीबरोबर भांडत असेल, तर त्यावेळी ती आपल्या भावंडाला साथ देतात.
प्रत्येक घरात भावंडांचं असं गोड नातं आपण पाहतो. सध्या असाच एक मजेशीर व्हिडीओ पाहायला मिळतोय, जे पाहून तुम्हालाही तुमच्या भावाची आठवण येईल.
काय घडलं व्हिडीओमध्ये पहा
या व्हिडीओमध्ये तुम्ही पाहू शकता की, एका घराबाहेर दोन भावंडांमधील मोठा भाऊ बसला असून, धाकटा भाऊ त्याच्याकडे पळत येताना दिसतो.
तेवढ्यात अचानक पाऊस पडत असल्यामुळे पळता पळता धाकटा भाऊ जोरात पाय घसरून खाली पडतो.
भावाला पडलेलं पाहून मोठा भाऊ मदत करण्यासाठी अजिबात जात नाही, उलट तो धाकट्या भावाकडे पाहून मोठमोठ्याने हसायला सुरुवात करतो.
धाकटा भाऊ स्वतः उभा राहून मोठ्या भावाकडे पाहतो. या व्हिडीओवर अनेक जण या कमेंट्स करताना दिसत आहेत.
पाहा व्हिडीओ:
