Vivo T3 Ultra| झाला मोठा घोटाळा लाँच पूर्वीचा फ्लिपकार्टवर लिस्ट झाला आगामी Vivo T3 Ultra, फीचर्स आले समोर
Vivo भारतीय बाजारात सप्टेंबरमध्ये नवीन स्मार्टफोन Vivo T3 Ultra सादर करणार आहे. यात फ्लॅगशिप-ग्रेड सोनी कॅमेरा मिळेल. तसेच 5,500mAh ची मोठी बॅटरी मिळेल.
Vivo सप्टेंबरमध्ये भारतीय बाजारात Vivo T3 Ultra सादर करणार आहे. आता लाँच पूर्वीच अल्ट्रा मॉडेल कंपनीच्या ऑफिशियल साइटवर टीज करण्यात आला आहे.
तसेच लँडिंग पेज ई-कॉमर्स साइट फ्लिपकार्टवर लाइव्ह झाला आहे, जिथून बरीच माहिती समोर आली आहे. इथे आम्ही तुम्हाला Vivo T3 Ultra च्या फीचर्स आणि स्पेसिफिकेशन्सची माहिती सांगणार आहोत.
Vivo T3 Ultra ची किंमत
मायक्रोसाइट वरील माहितीनुसार, स्मार्टफोन 12GB रॅम व 256GB व्हेरिएंटमध्ये उपलब्ध होऊ शकतो आणि किंमत जवळपास 33,000 रुपये असू शकते. हा स्मार्टफोन 11 सप्टेंबरच्या आसपास सादर होऊ शकतो, अशी देखील हिंट मिळाली आहे.
म्हणजे हा स्मार्टफोन पुढील आठवड्यात लाँच होण्याची शक्यता आहे. Vivo T3 Ultra ची किंमत T3 Pro पेक्षा जास्त असेल जो अलीकडेच भारतीय बाजारात आला आहे
Vivo T3 Ultra चे स्पेसिफिकेशन्स
मायक्रोसाइटनुसार, Vivo T3 Ultra मध्ये कर्व्ड-एज AMOLED डिस्प्ले आहे जो 4,500 निट्स पर्यंत पीक ब्राइटनेस देतो. हा स्मार्टफोन मीडियाटेक डायमेन्सिटी 9200 प्लस चिपसेटसह आला आहे, त्यामुळे या सेगमेंटमधील सर्वात फास्ट फोन म्हणता येईल.
कॅमेरा सेटअप पाहता T3 Ultra फ्लॅगशिप-ग्रेड सोनी कॅमेऱ्यासह बाजारात येईल. कंपनीनं आतापर्यंत स्मार्टफोनच्या कॅमेरा सेन्सरची सविस्तर माहिती दिली नाही. हा स्मार्टफोन IP68 रेटिंगसह येईल, त्यामुळे धूळ आणि पाण्यापासून काहीप्रमाणात सुरक्षित राहील.
Vivo T3 Ultra एक स्लिम फोन असेल याची जाडी फक्त 7.58mm इतकी असेल. स्लिम बॉडी असून देखील कंपनी यात 5,500mAh ची मोठी बॅटरी देणार आहे. ही मोठी बॅटरी चार्ज करण्यासाठी 80W फास्ट चार्जिंगचा सपोर्ट मिळेल.
हा स्मार्टफोन 12GB रॅम आणि 12GB व्हर्च्युअल रॅमसह येईल म्हणून एकूण 24जीबी रॅमची ताकद हा फोन देऊ शकतो. लाँच झाल्यावर हा फोन वनप्लस, ओप्पो आणि मोटोरोलाच्या दमदार फोन्सना टक्कर देऊ शकतो. त्यांच्यासमोर हा फोन किती टिकतो ते पाहावं लागेल.
